Sot, prej orës 21:00, Kombëtarja e Shqipërisë luan ndeshjen e rëndësishme në “Euro 2024”, ku përballet me Spanjën.
Shqipëria në këtë duel do ta kërkoj kualifikimin në fazën nokaut, në të cilën Spanja tashmë është kualifikuar pasi ka gjashtë pikë pas dy ndeshjeve të zhvilluara.
Përballja me Spanjën nuk do të jetë aspak e lehtë për Shqipërinë, ndërsa trajneri Sylvinho pritet të bëjë ndryshime në formacion edhe pse është kujdesur që mos të jap shumë informata për këtë çështje.
Krahasuar me ndeshjen me Kroacinë, ku Shqipëria barazoi 2:2, formacioni i Sylvinhos pritet të ketë ndryshime kundër Spanjës.
Në portë, Thomas Strakosha duket i padiskutueshëm kurse në vijën e mbrojtjes, Sylvinho ka dy dilema. Në krahun e djathtë, gjasat janë të mëdha që të aktivizohet Ivan Balliu në vend të Elseid Hysajt sikurse Ardian Ismajli që pritet të luaj para Arlind Ajetit.
Të paprekshëm mbeten kapiteni Berat Gjimshiti dhe mbrojtësi i krahut të majtë, Mario Mitaj.
Para mbrojtjes do të jetë Ylber Ramadani e Qazim Laçi, ndërsa treshja pas sulmit do të përbëhet nga Nedim Bajrami, Kristjan Asllani e Jasir Asani.
Në sulm i vetëm pritet të jetë Armando Broja, i cili kundër Kroacisë ishte reservist pasi Sylvinho startoi me Rey Manajn.
Dueli mes Shqipërisë dhe Spanjës do të luhet në qytetin e Dusseldorfit.
