Kombëtarja e Portugalisë ka siguruar kalimin nga faza e grupeve pasi të shtunën triumfoi ndaj Turqisë në ndeshjen e xhiros së dytë të Grupit F.
Portugalia fitoi me rezultatin e thellë 3:0 për t’u forcuar në krye të grupit me 6 pikë, tri më shumë se Turqia pas dy ndeshjeve të luajtura.
Rezultatin e ndeshjes e zhbllokoi Bernardo Silva (21’) përpara se Samet Akaydin të shënoj autogol për ta dyfishuar epërsinë e Portugalisë në minutën e 28-të.
Në pjesën e dytë, Portugalia e shënoi edhe golin e tretë. Këtë herë, Bruno Fernandes shënoi nga afërsia në minutën e 56-të pas asistimit të Cristiano Ronaldos, i cili u bë lojtari me më së shumti asistime në histori të Kampionatit Evropian – gjithsej 7.
Po ashtu, Ronaldo mbanë edhe rekordin për më së shumti gola të shënuar – 14 sosh.
