Deputeti i Lëvizjes Vetëvendosje, Agon Batusha ka thënë se takimi i sotëm mes të dërguarit të BE-së për dialogun Kosovës-Serbi, Miroslav Lajçak dhe zëvendëskryeministrit të parë për Integrim Evropian, Zhvillim dhe Dialog të Republikës së Kosovës, Besnik Bislimi ka qenë i paparalajmëruar.
I ftuar në emisionin “Ditari” në Tëvë1, Batusha tha se presidentja Osmani dhe kryeministri Kurti nuk kanë pasur mundësi që ta takojnë.
“Natyrisht që Kosova do të vazhdon t`i mbajë qëndrimet e veta qysh i ka mbajtur deri më sot, kur ruajtja e sovranitetit dhe integritetit territorial është prioritet, por që natyrisht ndërmjetësuesi e ka rolin e vet që mundohet të iu gjej zgjidhje dy palëve të cilat I kemi qëndrimet që janë të njohura për publikun. Ky takim i sotit i paparalajmëruar nuk ka pasur një agjendë të caktuar dhe natyrisht që ka pasur telashe dhe harmonizim të paparalajmëruar dhe siç duket presidentja dhe kryeministri nuk kanë mundësi që në këto momente ta takojnë”, tha Batusha.
Derisa, ai theksoi se detyra e ndërmjetësuesit është që të vijë me detyra dhe plane të reja për të dy palët.
Sipas deputetit, Kosova ka 36 marrëveshje deri më tani me Serbinë, ku sipas tij Serbia nuk i ka zbatuar plotësisht.
“Detyra e ndërmjetësuesit është të vijë me plane të reja detyra të reja dhe e palëve natyrisht. Janë 36 ose 39 marrëveshje që janë arritur deri më tash mes Kosovës dhe Serbisë prej vitit 2019 me kushtin që t`i normalizon marrëdhëniet Serbia ta njeh Kosovën por ja që prej të gjitha këtyre marrëveshjeve Serbia asnjë prej tyre nuk I ka zbatuar në plotësi dhe në këtë rast po I kërkohet Kosovës që të nxirret një marrëveshje prej 36 marrëveshja që po e kërkon Serbia”, deklaroi Batusha.
Ndryshe, ai tha se interesi i Kosovës është që të anëtarësohet në KiE, siç tha ai për shkak të benefiteve që ka Kosova.
Ai tha se Kurti ka thënë se mund t`a bëjë draft-statutin e Asociacionit në përputhje me Kushtetutën e Kosovës, siç tha ai këto propozime janë refuzuar prej ndërmjetësuesit.
Derisa shtoi se Këshilli i Evropës në aspektin politik ka nxjerr një kusht.
“Qeveria ne fakt kryeministri ka thënë qe ne mund ta bëjmë draft- statutin e asociacionit në përputhje me Kushtetutën e Kosovës, por që ato propozime janë refuzuar prej ndërmjetësit në këtë rast. Interesi i Kosovës është për t`u anëtarësuar në KiE dhe Këshilli i Evropës në aspektin politik e vendosi një kusht pra ministrat kur kanë dashur të votojnë ministrat e anëtarëve të shteteve të Evropës e kanë nxjerr këtë kusht. Interesi ishte shumë i madhë për të hyrë në KiE, për shkak të benefiteve që I kemi, sidomos qytetarët e Kosovës të përfitojnë e sidomos komunitetet do t`u avancohen të drejtat e tyre”, deklaroi Batusha. /teve1.info/
