Të domosdoshme, Levits e quajti edhe integrimin e Kosovës në Këshillin e Evropës.
“Mendoj që është e domosdoshme poashtu që të integrohet Kosova në organizata të ndryshme ndërkombëtare dhe në Forume. Do të përmendja këtu Këshillin e Evropës. Është një organizatë e shteteve demokratike që bazohen në sundimin e ligjit. Kjo do të thotë që Kosova do i përket familjes së Këshillit të Evropës sepse është një shtet demokratik qe bazohet në sundim të ligjit dhe ne do të mirëpritnim aplikimin e Kosovës në Këshillin e Evropës”, tha ai.
Presidenti letonez shtoi se e mbështesin Kosovën në liberalizimin e vizave, teksa çmoi edhe progresin që sipas tij ka pasur vendi gjatë vitit të fundit.
“Poashtu sa i përket Bashkimit Evropian, tani duke mbështetur Kosovën sa i përket liberalizimit të vizave, tani nuk ka më të themi pengesa të arsyeshme të mos jipet liberalizmi i vizave dhe ne edhe këtë e mbështesim Kosovën. E çmoj shumë edhe progresin posaçërisht gjatë vitit të fundit të cilin Kosova e arriti. Në luftimin e korrupsionit duke zbatuar po ashtu dhe masa të ndryshme të sundimit të ligjit. Poashtu ne kemi vërejtur që viti i kaluar ishte shumë i sukseshëm në këtë drejtim”, tha Levits.
“Kosova i përket Evropës”, shtoi ai. /Teve1.info/
