Shtatorja e ish-kryeministrit britanik, Tony Blair, e cila u zbulua në Ferizaj në 25-vjetorin e çlirimit të Kosovës, është kritikuar nga kritiku i artit, Ilir Muharremi.
Muharremi për teve1.info ka thënë se skulptura nuk i ngjanë ish-kryeministrit, Tony Blair.
“Skulptura nuk i ngjanë aspak Tony Blairit, ajo duket si aktori, Jonson Donovan. Nuk duket monumentale, kur punohet për figurat historike duhet të ketë shumë kujdes veçanërisht te ngjashmëria, në këtë rast ngjashmëria çalon”, theksoi Muharremi.
Për skulpturën e ish-kryeministrit të Britanisë, Tony Blair ka shkruar The Independent. Aty thuhet se britanikët janë të bindur se shtatorja i ngjanë më shumë aktorit Australian, Jason Donovan.
Shtatoren e ish-kryeministrit britanik e punoi skulptori Agon Qosa. /teve1.info/