Inspektorët kanë gjobitur me 200 euro një qytetar në Gjilan i cili ka hedhur nga makina mbeturina.
Kështu ka bërë të ditur Entela Hyseni, drejtoreshë e Inspekcionit të Komunës së Gjilanit, e cila tha se inspektorët kanë gjobitur palën për hedhjen e mbeturinave.
“Pas ndërmarrjes së masave inspektuese, është identifikuar automjeti dhe pala, të cilit i është shqiptuar gjoba për hedhje mbeturinash”, tha Entela Hyseni.
Drejtoresha e Inspekcionit, tregon se kohë më parë kanë lëshuar njoftim që ka të bëjë me ndalimin e hedhjes së mbeturinave në hapësirat e përbashkëta, korridore, shkallë, ashensorë e të ngjashme.
“Personat fizik e juridik që nuk e respektojnë këtë njoftim, do te sanksionohen në harmoni me Rregulloren për Shërbime Publike Komunale”, tha Hyseni./teve1.info/