Cak i Task Forcës së Gjelbër, kësaj radhe ishte Peja.
Fokus ishte Drini i Bardhë, në të cilin dyshohej për kryerjen e veprimtarive ilegale kundrejt mjedisit.
Nga ky aksion, me urdhër të Prokurorisë së Pejës janë sekuestruar pesë bagerë, nga të cilët tre prej tyre eskavatorë dhe dy ngarkues me lopatë, si dhe katër kamionë, tek një operatorë ilegal.
Kjo prokurori ka konfirmuar se këto veprime janë rezultat i një procesi hetimor.
Këto aksione, nga Ministria e Mjedisit, u tha se do të vazhdojnë.
“Jemi të përkushtuar dhe të vendosur që të ndalojmë çdo aktivitet ilegal që degradon mjedisin”, tha zëvendësministrri i mjedisit, Jeto Raka.
Ky aksion është zhvilluar të mërkurën.