Emisari i Bashkimit Evropian për dialogun Kosovë-Serbi, Miroslav Lajçak ka njoftuar se ka raportuar në Këshillin e Evropës për gjendjen aktuale dhe dinamikat e bisedimeve mes këtyre dy vendeve.
Lajçak ka thënë se nga Firenca ka udhëtuar drejt Strasburgut me ftesë të anëtarëve të Këshillit të Evropës.
“Nga Firence, udhëtova për në Strasburg me ftesë të anëtarëve të Këshillit të Evropës. Në këtë qytet të bukur në kufirin franko-gjerman, pata privilegjin të informoj anëtarët e Këshillit të Evropës dhe shtetet anëtare të BE-së për gjendjen dhe dinamikën aktuale të Dialogut për normalizimin e marrëdhënieve ndërmjet Kosovës dhe Serbisë. Ndërsa isha në Strasburg, shfrytëzova gjithashtu mundësinë për të bashkëvepruar me një numër zyrtarësh të Këshillit të Evropës për dosjet tona përkatëse”, ka shkruar në Facebook ai.