Ka nisur seanca solemne, e cila është në nderim të mirëpritjes së Tony Blair, ish-kryeministrit të Mbretërisë së Bashkuar, i cili ishte një nga aleatët ky që ndikoi në çlirimin e vendit.
Kryetari i Kuvendit të Kosovës, Glauk Konjufca, ka shprehur mirënjohjen ndaj forcave të NATO-s për intervenimin në Kosovë dhe mbështetjes së Blair për çlirimin e vendit.
“Ne si popull e si shoqëri do të jemi përjetësisht falënderues. Ju faleminderit zotëri Blair. Jeni gjithmonë i mirëseardhur në Kosovë dhe s’kam dyshim se ndiheni si në shtëpinë tuaj. Prandaj kjo foltore dhe ky Parlament është i juaji”, ka thënë Konjufca.
Konjufca tha se Blair dha kontributin e jashtëzakonshëm në ditët më të vështira të popullit të Kosovës.
“Falë kontributit të tij, të presidentit Bill Clinton e të pëfaqësuesve të NATO-s, gjeneralit Clark e shumë përfaqësuesve të tjerë të shteteve demokratike. Falë vendosmerisë së tyre dhe luftës së Ushtrisë Çlirimtare të Kosovës, ndalën gjenocidin e Serbisë”, tha Konjufca./teve1.info/
