Mëngjesin e së mërkurës, ia mësyn aeroportit në Prishtinë.
Por, këtyre udhëtareve nuk u shkoi gjithçka siç e kishin planifikuar.
Një shpërthim brenda aeroportit, bëri që shumë nga ta përfundojmë më lëndime të rënda.
Menjëherë në vendngjarje, erdhën ekipet e Policisë së Kosovës.
Këta me shpejtësi vendosen perimetrin e sigurisë.
Por, situata doli të jetë shumë më e rëndë sesa që ishte menduar fillimisht.
Brenda aeroportit në Prishtinë, nga shpërthimi, ishte liruar edhe një substancë radioaktive.
Për këtë me urgjencë u ftuan edhe zjarrfikësit.
Këta të fundit, me shpejtësi filluan t’i nxjerrin të lënduarit një nga një.
Por, jo të gjithë i kishin mbijetuar shpërthimit.
E gjithë kjo situatë, u inskenua të mërkurën në Prishtinë.
Janë këto pamje nga ushtrimi fushor ndërinstitucional, që u zhvillua në hapësirat e aeroportit të vjetër të kryeqytetit.
Këtu u provua edhe skenari kur të lënduarit, prekën nga substancat radioaktive.
Ndërsa nuk munguan as skenat komike.
“Shkoi baba, edhe vëllai..E kom qenin mrena..”
Nga Agjencia amerikane për Mbrojtje dhe Reduktimin e Kërcënimit, thonë se në 15 vjetet e fundit, organizuan plot 56 trajnime të ngjashme në Kosovë.
“Çfarë po shohim sot këtu është kulmi i partneritetit tonë me institucionet e Kosovës, policinë, zjarrfikësit dhe FSK-në, ku po kryhet një trajnim në terren, me skenarë sfiduese që ata duhet t’i përgjigjën”, tha zyrtari amerikan
Ushtrimin nga afër gjatë gjithë kohës, e ndoqën edhe pjesëtarë të KFOR-it.
Ndërsa i gjithi përfundoi me sukses në mesditën e së mërkurës.
