Presidentja e Kosovës, Vjosa Osmani, ka kërkuar nga komunat e Kosovës të japin kontribut më të madh për të eliminuar dhunën mbi baza gjinore.
Osmani në takim me Këshillin e Kryetarëve të Asociaionit të Komunave, tha se është e domosdoshme që viktimat e dhunës mbi baza gjinore të jenë të përkrahura nga niveli lokal.
Presidentja deklaroi se e përkrah kërkesën e komunave për buxhet shtesë që të rritet siguria në qendrat për punë sociale.
Në anën tjetër, kryetari i Asociacionit të Komunave të Kosovës, Agim Aliu, kritikoi qeverinë për mungesë bashkëpunimi, pasi tha se kërkesat e tyre nuk po trajtohen.
Ndërsa, pas fjalimeve hyrëse takimi i presidentes Osmani me kryetarët po vazhdon i mbyllur për media.
Ndryshe, në takim po marrin pjesë edhe nënkryetarja e komunës së Mitrovicës së Veriut, Leposaviqit dhe Zubin Potokut./teve1.info/