Deputeti Haki Abazi ka publikuar një kontratë, e që sipas tij është nënshkruar nga Qeveria e Kosovës dhe kompania “Rad” në vlerë 574 mijë euro – kompani që përket terroristit serb, Milan Radoiçiq.
Sipas Abazit kjo kontratë është nënshkruar me datën 13 Korrik 2021.
“Kjo kontratë është bërë me datën 13 Korrik 2021 për Kompaninë Rad për 574 mijë euro që është kompani e Radojçiqit në veri të Republikës. Këtë kontratë e ka dhënë kjo qeveri dhe vërteton bashkëpunimin me Radojçiqin”, ka shkruar mes tjerash Abazi në Facebook.