Është data kur shënohet dita e fëmijëve.
Mirëpo, përpos festës, shumë çështje vlerësohen se duhet përmirësuar në mënyrë që drejtat e fëmijëve të respektohen.
Nga organizata Save the Children, konsiderojnë se ka ende shumë punë në infrastrukturën ligjore që në fokus ka fëmijët.
“Nga organizata Save the Children dhe partnerët tanë, por edhe nga grupet e fëmijëve që mbështeten nga ne dhe partnerët tanë, një ndër çështjet që fëmijët konsiderojnë që institucionet shtetërore duhet të bëjnë më shumë është ligji për Mbrojtjen e Fëmijëve. Ky ligji i cili ka hyrë në fuqi 5 vite më parë, edhe besojmë se ka shumë punë për të bërë që të implementohet dhe fëmijët të ndihen të mbrojtur dhe të mos shkelen të drejtat e tyre kudo që funksionojnë”, ka thënë koordinatorja për avokim dhe fushatë, Festina Kabashi.
Si shumë e rëndësishme në mirëqenie, thuhet të jetë socializimi i fëmijëve me moshatarët e tyre.
“Fëmijët ta vazhdojnë fëmijërinë e tyre, t’iu qasen sa më shumë lojërave, të socializohen, të jenë në hapësira të hapura në natyrë, e sa më pak t’iu qasen pajisjeve teknologjike e të jenë të mbyllur e të asocializuar apo jo të shoqëruar me moshatarët e tyre”, ka thënë sociplohu, Genc Xërxa.
Në ndër të kësaj dite, janë zhvilluar aktivitete të ndryshme nga organizata e institucione.