Sheshet e kryeqytetit u mbushën me fëmijë plot.
Ditën Ndërkombëtare të tyre, ata zgjodhën mënyra të ndryshme për të festuar.
Urimet nga më të vegjlit nuk munguan, madje edhe recituan poezi.
E për argëtim u kujdesen edhe kompani të ndryshme kosovare (Banka Ekonomike nëse don me cek)
“Fëmijët janë duke u argëtuar në praninë e maskotave që janë duke këndu dhe vallëzu për me ua kthy buzëqeshjen në fytyrat e fëmijëve, po ashtu janë duke bërë edhe vizatime në fytyrë sipas imazheve të tyre të preferuara që i kanë”, ka thënë menaxherja e marketingut, Nora Uka.
Nën përcjellje të Policisë, u mbajt edhe Parada e fëmijëve.
Mbrapa tyre qëndroi i pari i Prishtinës, Përparim Rama.
Me veshje kombëtare e mesazh në mbështetje të Ukrainës, fëmijët parakaluan në nder të 1 qershorit.
Një mësuese u shpreh e lumtur për gjithë organizimin e bërë për këtë ditë.
“Me rëndësi fëmijët po ndihen mirë, organizimi është shumë i mirë, nga të gjitha anët, nga prindërit nga mësimdhënësit dhe nga Komuna”, ka thënë mëseësja, Linda Murseli.
E këtë ditë zgjodhën ta shënojnë ndryshe grupi i studentëve të Fakultetit të Edukimit.
Para Teatrit Kombëtar ata organizuan manifestim paqësor në përkujtim të 1432 fëmijëve shqiptarë, viktima të gjenocidit serb.
“Pikërisht sot në ditën e fëmijëve jemi mbledhur që të nderojmë 1432 fëmijë shqiptarë të cilët dora serbe barbare ua mori jetën në mënyrat më cnjerëzore dhe më mizore”, ka thënë studentja, Yllëza Murtezi.
E kjo pjesëmarrje e vogël e qytetarëve ishte zhgënjyese për profesorin e UP-së, Nysret Pllana.
“Me keqardhje por po e shihni edhe vet, harresën shqiptarët e kanë defekt gjenetik, në gjitha mediet i kemi bërë thirrje këtij populli shumë të vuajtur dhe liridashës me dalë para Teatrit Kombëtar për ti kujtuar ata mbi gjakun e të cilëve po shkelet cdo ditë”.
Në këtë organizim mori pjesë edhe një anëtar i familjes Muçolli nga Pokleku i Drenasit.
Nga kjo familje u vranë 53 anëtarë nga forcat serbe, në mesin e tyre edhe fëmijë.
“Për lirinë që sot ne e gëzojmë dha 53 anëtarë ku në mesin e tyre ishin 23 fëmijë nga mosha 6 muajshe Liria, Qëndrimi 9 muajsh e deri të fëmija 18 vjecar Fatmirja dhe Sherifja”, ka thënë antari i kësaj familjë, Xhavit Muçolli.
Aktivitetet zgjatën edhe për disa orë në vazhdim, ku nuk munguan as koncertet me këngë, vallëzim e balet.