Skuadra e Manchester United ka zyrtarizuar ardhjen e trajnerit të ri, Erik Ten Hag.
Ashtu siç ishte raportuar ditë më parë, sot përmes një postimi në rrjetin social Facebook, Djajtë kanë njoftuar tashmë edhe zyrtarisht se kanë arritur marrëveshje me teknikun holandez.
Ten Hag do të përfundojë sezonin aktual me skuadrën e Ajax, ndërsa që në verë do të marrë drejtimin e United.
Ka zëra që me ardhjen e tij në Old Trafford, pritet të ketë një revolucion, pasi që një numër i madh futbollistësh pritet të vijnë, e një numër i madh të shkojnë.
