Ish-zëvendësministri i Punëve të Brendshme, Valdet Hoxha ka thënë se është absurde të kundërshtohet lejimi i hapjes së një ure që është në shërbim të të gjitha komuniteteve.
Hoxha tha se Kuvendi Komunal i Mitrovicës së Veriut nuk do t`a ketë fuqinë për hapjen apo mbylljen e Urës së Ibrit, derisa theksoi se iniciativa për urën është më shumë politike sesa ligjore.
“Në parim urat janë për bashkim, për lidhje mes komuniteteve, për lidhje mes shteteve dhe është absurd se siç kundërshtohet, lejimi i një ure që është në shërbim të gjithë komuniteteve, kjo është bazikja themelorja, duke ditur situatën politike dhe gjeopolitike në rajon natyrshëm që ura e Mitrovicës së Veriut i kalon kornizat e të qenurit një vendim i Kuvendit Komunal të Mitrovicës së Veriut. Kuvendi i Mitrovicës së Veriut nuk do t`a ketë at fuqi për hapjen apo mbylljen e asaj ure, por ky vendim i vitit të kaluar i asamblistë i shfaqur në rend të ditës, tjetër ka qenë për rend të ditës, por është diskutuar në tema të ndryshme. Iniciativa po mendoj që është ma shumë politike, sesa ligjore”, deklaroi Hoxha në emisionin “Ditari”, në Tëvë1.
Derisa tha se BE-ja dhe ShBA-të janë të interesuar që pjesën e Ballkanit t`a mbajnë të qetë.
Ndryshe, Hoxha shtoi se mund të ketë tensione nga ana e qytetarëve serbë dhe përpjekje për hapjen e urës.
“Bashkimi Evropian dhe ShBA-të janë të interesuara që pjesën e Ballkanit si një vatër e mundshme e krizës ta mbajnë të qetë, dhe çdo veprim i pakoordinuar i institucioneve të vendit mund të keqpërdoret nga Serbia siç po keqpërdoret për ta fajësuar Qeverinë e Kosovës. Në atë pjesë të veriut edhe një semafor dhe një trotuar shndërrohet në çështje politike, duke pasur freskët historinë e asaj pjese rreth urës, pra është një pikë e ndjeshme, nuk mund të them se patjetër do të ketë tensione, por përpjekje për ta shfrytëzuar hapjen e kësaj ure, po ngritjen e tensioneve për komunitetin serb do të ketë. Ne duhet t`ua bëjmë të pamundur qytetarëve serbë që janë lojal ndaj institucioneve të Kosovës që e kanë vendin e tyre në Kosovë, t`u ofrojmë ura, bashkëpunim”, shtoi Hoxha./teve1.info/
