Të shpeshta janë rastet kur fëmijët posedojnë pajisje teknologjike apo telefon.
E me përdorimin e tyre, ata ekspozohen ndaj rreziqeve të ndryshme kibernetike, siç është rasti i fundit në Kosovoë nga disa nxënës, që u bën pjesë e lojës në rrjetin social “TikTok”, duke vetshkaktuar gërvishtje të gjymtyrëve.
Pasojat nga këto lojëra, përveçse fizike llogariten të shfaqen edhe tek shëndeti mendor.
“Përpos lëndimeve që po shihen haptazi, lënë pasoja edhe në shëndetin mendor. Pasi ata do të largohen nga rutina ditore, do të mbesin të ulur duke luajtur këtë lojë, do t’i shmangen mësimeve dhe obligimeve ditore, pra në një mënyrë duke lënduar veten do të rëndojnë edhe shëndetin e tyre mendor”, thotë sociologu Genc Xërxa.
Sipas njohësit të kibernetikës, Ramadan Dervishi, posedimi i një pajisje teknologjike nga një i mitur duhet të shoqërohet me një varg rregullash.
“A mundemi që pasi fëmija të posedon një smart phone që ne ia blejmë, a mundemi që ne me ia ndalu kohën se kur guxon me përdor dhe kur jo, me ia caktu kohën sa mundet ta përdor pajisjen. Dhe në anën tjeter, nëse këto mundemi me i caktu me një marrëveshje me fëmijën, a pronan ai që gjatë kësaj kohe ne ta kontrollojmë atë?”, tha njohësi i Kibernetikës Ramadan Dervishi.
Mirëpo, edhe ky kontroll i përdorimit të pajisjeve teknologjike nga prindërit duhet të bëhet përmes një formë të sigurt, që janë aplikacionet e caktuara.
“Aplikacione që quhen kontrolle prindërore, mirëpo përdorimi i këtyre aplikacioneve është sfidë në vete, pasi së pari duhen njohuri elementare në teknologji, se qysh instalohen dhe si të përdoren aplikacionet që të kontrollohet se çfarë po shikojnë fëmijët. E në anën tjetër aplikacionet më të sigurta kushtojnë para, që duhet me ble licencë dhe me pagu për to”, tha Dervishi.
Për këto raste të vetlëndimit të nxënësve, Policia është duke u marrë me rastin.
