Ish-ministri i Punëve të Brendshme, Bejtush Gashi, tha se mënyra e largimit të sulmuesve serbë në veri gjatë sulmit të Banjskës, xhirimi i tyre me dronë dhe vëzhgimi përmes ajrit, ka bërë që Grupi Ndërkombëtar i krizave të nxjerr konkluzion se largimi i tyre ishte bërë me marrëvehsje, raporton teve1.info
Në emisionin “Info-Nata” në Tëvë1, Gashi tha se aktualisht është vështirë me dhënë konkluzion të qartë pasi sipas tij është vështirë të dihet burimi i informacionit i kësaj organizate.
“Grupi i krizave për KFOR-i nuk e ka negociuar, ky raport është me interes për opinionin se kjo organizatë qeveritare ka njohës të mirë ushtarakë dhe ka dalë se ka pas negociim tani është vështirë me siguru burimin e informacionit nëse ka pas negociim apo jo. Unë mund të them se mënyra se si është publiku tërheqja e këtij grupi përmes vëzhgimit nga ajri, përmes dronit dhe lehtësimi i tërheqjes, mund të jetë një nga arsyet pse ky grup ka nxjerrë këtë konkluzion”, tha Gashi.
Ai shtoi se situata në veri pas mbylljes së Banës Popstare tw Kursimeve nuk është absolutisht e qetë pavarësisht mosreagimit.
“Tani u parapërgatit terreni për një vendim të tillë dhe aktualisht kemi një situatë që nuk mund të thuhet e qetësisë absolute por ka një mosreagim i cili nuk mund të përkthehet se kemi një situatë që na krijon një komoditet e që mund të jemi të qetë për faktin se realiteti që aktualisht ndodhemi dhe rrethanat ndërkombëtare si dhe ato rajonale janë të shkallës së tillë që tensionet mund të krijohen brenda një periudhe shumë të shkurtër”, tha ai.
