Mesfushori i Kombëtares së Shqipërisë, Ylber Ramadani është shprehur i kënaqur me sezonin e tij në parë në Serie A të Italisë.
Ramadani ishte pjesë e skuadrës së Lecces, me të cilën edhe e arriti objektivin, qëndrimin në elitën e futbollit italian. Lecce e mbylli sezonin në pozitën e 14-të në tabelë me 38 pikë të tubuara, ndërsa Ramadani është shprehur krenar me këtë arritje.
“Ishte një kampionat i vështirë, por në fund e arritëm objektivin që e kishim dhe kjo ka rëndësi”, tha Ramadani, i cili pranoi se Serie A ishte një kampionat tejet i vështirë.
28-vjeçari iu bashkua Lecces verën e shkuar nga Aberdeeni i Skocisë dhe ishte ndër më të dalluarit në ekipin italian. Në 34 paraqitje kampionale. Ramadani shënoi një gol, ndërsa me Leccen ka kontratë deri në vitin 2026.
