Trepça ka përmbyllur një sezon të jashtëzakonshëm në basketbollin kosovar duke e fituar titullin e kampionit.
Të enjten në Mitrovicë, në ndeshjen e pestë të serisë finale, Trepça fitoi ngusht 67:66 ndaj Yllit për ta fituar titullin me rezultatin e përgjithshëm 3:2.
Për Trepçën, ky është trofeu i katërt këtë sezon, ndërsa titulli i parë pas 12-të vjetësh.
Para titullit, Trepça këtë edicion ka fituar edhe Kupën, Superkupën e Ligën Unike për fë shkruar historinë.
Dueli i pestë ishte i fortë dhe tejet dramatik, ndërsa u vendos në çerekun e fundit.
Darnell Edge ishte më efikasi te Trepça me 15 pikë, 5 kërcime e 6 asistime.
Me lojë të mirë u veçuan edhe Brandon Edwards (15) e Kevin Bracy-Davies (13).
Te Ylli, dhe këtë herë u veçua Alonso Junior me 28 pikë, 4 kërcime e 8 asistime por nuk mjaftuan që Ylli ta fitoj titullin e tretë në katër vjetët e fundit.