Sot, Asambleja e Përgjithshme e Kombeve të Bashkuara ka nisur një rezolutë, e cila do ta bënte përgjegjëse Serbinë për gjenocidin në Srebrenicë.
Gjatë debatit, përfaqësuesja gjermane në OKB, Antje Leendertse, ka prezantuar rezolutën, duke e përmendur se një prej qëllimeve të organizatës është ndalimi i krimeve që kanë ndodhur si ato në Srebrenicë.
Leendertse gjatë fjalimit të saj potencoi se krime të tilla si ato në Srebrenicë s’mund të përsëritën më.
“Gjenocidi i Srebrenicës është njohur nga Gjykata Ndërkombëtare, shënohet për çdo vit dhe jemi të përkushtuar që ta bëjmë këtë kujtese institucionale. Draft rezoluta po ashtu nënvizon kërkimin e dhënies së llogarisë. Kjo rezolutë nuk drejtohet ndaj askujt e as ndaj Serbisë. Ajo drejtohet ndaj kryerësve të krimit. Rezoluta gëzon një përkrahje të fuqishme edhe nga shtetet e Ballkanit Perëndimor. Kemi vendosur t’i fusim amendamentet. Mali i Zi ka sqaruar se llogaridhënia nuk mund t’i atribuohet asnjë grupi etnik. Kjo rezolutë synon pajtimin. Të gjitha grupet etnike që kanë qenë të përfshira në luftërat ballkanike kanë pasur humbje të mëdha. Kryesit e krimeve të tilla për gjenocid duhet të japin llogari. Çfarë mesazhi u ofrohet gjeneratave të ardhshme nëse Asambleja nuk e voton këtë rezolutë”, ka deklaruar përfaqësuesja e Gjermanisë./teve1.info/
