Mesfushori Valon Berisha do të jetë pjesë e Përfaqësueses së Kosovës për ndeshjen miqësore ndaj Norvegjisë, njofton klubi austriak LASK.
Ndeshja Norvegji – Kosovë luhet në Oslo më 5 qershor.
Berisha 31-vjeçar para se në vitin 2016 t’i bashkohet Kosovës, luajti 20 ndeshje për ekipin senior të Norvegjisë.
“Në ekipin përfaqësues të Kosovës është rikthyer edhe Valon Berisha. Në ndeshjen miqësore kundër Norvegjisë që Kosova e luan më 5 qershor. Nga shkurti i këtij viti shef i shtabit të Kosovës është ish-trajneri i Austrisë, Franco Foda”, shkruan në njoftimin e klubit të Berishës.
Berisha për Kosovën ka luajtur 40 ndeshje dhe ka shënuar katër gola.
Lista e plotë nga Foda pritet të publikohet gjatë kësaj jave.
