Bayer Leverkuseni dhe Atalanta, do të përballen në finalen e Ligës së Evropës, ndeshje kjo që luhet sonte prej orës 21:00 në Dublin të Irlandës.
Të dyja skuadrat synojnë këtë trofe të rëndësishëm për mbyllur edicionin në njërën prej tri garave të UEFA-s me sukses. Për dallim prej Atalantas që kërkon trofeun e parë këtë edicion, Leverkuseni po e kërkon të dytin pas titullit të kampionit në Gjermanisë.
Në fakt, Leverkuseni mund ta mbyll edicionin me tre trofe pasi të shtunën luan në finalen e Kupës së Gjermanisë kundër Kaiserslauternit. Bazuar në formën aktuale të dyja skuadrave, Leverkuseni vlerësohet favorit përball Atalantas pasi është ekipi i vetëm në Evropë që ende nuk di për humbje këtë edicion në të gjitha garat. Ndërkohë, Atalanta po e luan finalen e dytë brenda shtatë ditësh pasi javën e shkuar u mposht në finalen e Kupës së Italisë nga Juventusi.
Kjo finale e Ligës së Evropës sjell edhe përballjen e dy futbollistëve shqiptar, Granit Xhakës në njërën anë dhe Berat Gjimshitit në anën tjetër. Të dy vlerësohen të pazëendësueshëm te skuadrat e tyre, ndërsa Gjimshiti do të jetë kapiten i Atalantas në këtë finale kundër Leverkusenit.
