Albion Rrahmani dhe Ermal Krasniqi pritet të jenë largimet e mëdha nga Rapidi i Bukureshtit gjatë afatit kalimtar të verës.
Për dy futbollistët e Kosovës interesimi është i madh, ndërsa një gjë të tillë e kanë konfirmuar edhe nga skuadra rumune. Në fakt, te Rapidi kanë pranuar se po negociojnë për shitjen e Rrahmanit dhe Krasniqit por nuk kanë dashur ti zbulojnë emrat e klubeve.
Prej shitjes së dy futbollistëve kosovar, te Rapidi po shpresojnë të përfitojnë të paktën 10 milionë euro. Krasniqi pritet t’i bashkohet Spartës së Pragës, ndërsa për Rrahmanin interesimi është më i madh pasi po kërkohet nga Rangersi, Napoli, Benfica, Aston Villa e Werder Bremeni.
Rrahmani këtë edicion ka shënuar 17 gola dhe ka kontratë me Rapidin deri në vitin 2026, ndërsa Krasniqi u transferua në janar të kjo skuadër dhe kontrata i skadon verën tjetër.
