Mesfushori i Kombëtares së Shqipërisë, Kristjan Asllani mund ta vazhdoj karrierën në Premier League pasi Aston Villa ka shfaqur interesim për shërbimet e tij.
Bëhet e ditur se ekipi anglez po synon transferimin e Asllanit këtë verë, pasi 22-vjeçari pëlqehet shumë nga trajneri Unai Emery.
Aston Villa edicionin e ri do të paraqitet në Ligën e Kampionëve, ndërsa Asllani po shihet si përforcim i duhur për mesfushën. Skuadra angleze së shpejti do ta kontaktoj Interin dhe për kartonin e Asllanit është gati të ofroj deri në 25 milionë euro.
Asllani këtë edicion është shpallur kampion me Interin dhe ka kontratë deri në vitin 2027 me ekipin italian.
Ai është pjesë e Interit prej vitit 2022 kur iu bashkua nga Empoli dhe ka shënuar 1 gol e ka bërë 2 asistime në 30 paraqitje në të gjitha garat këtë edicion.