Eksperti i Politikave të Sigurisë dhe Gjeopolitikës, Ilir Kulla, ka thënë se kryeministri i Kosovës, Albin Kurti dhe ai i Shqipërisë, Edi Rama dikur kanë qenë “gati të dashuruar” me njëri-tjetrin.
Ky koment i Kullës ka ardhur, pasi që ai ka komentuar fotografinë ku Rama shihej duke qëndruar ulur kur Kurti hynë në zyrën, ku po merrte pjesë në Samitin e liderëve të Ballkanit Perëndimor dhe Bashkimit Evropian në Mal të Zi.
Në emisionin “MATRIX” me Mehmet Kalisin në Tëvë1, Kulla tha se nuk do të çuditej nëse në të ardhmen i sheh bashkë Kurtin dhe Ramën.
“Ata dy, Albin Kurti dhe Edi Rama e njohin kaq shumë mirë njëri-tjetrin. Kanë qenë dikur gati të dashuruar me njëri-tjetrin, 10 vite përpara… dhe unë nuk do të çuditesha që të bëhen prapë bashkë në të ardhmen. Pragmatistë janë të dy, por unë mendoj që situate e Këshillit të Evropës do t’i dërgojë shumë shpejt në zgjedhje të parakohshëm, kështu do të shohim…”, ka thënë ai.
Emisioni ‘MATRIX’ transmetohet çdo të hënë në ora 20:40./teve1.info
