Ministri i Punëve te Brendshme, Xhelal Sveçla ka thënë se në lokacionet ku është gjetur armatimi në Zveçan, dyshohet se janë përdorur edhe si vendstrehim për terroristët e sulmit në Bansjkë.
Ai tha se për këtë rast është duke u intervistuar një person dhe siç tha ai pas gjetjeve nga Policia dhe IPK-ja të marrë dënimin meritore nga Prokuroria.
“Është e qartë se kjo ka qenë si lokacion logjistik për barrikadat e mëhershme, por edhe depo, apo vendstrehim për armatim ushtarak me të cilët ata kanë planifikua të sulmojnë institucionet e Kosovës, Policisë së Kosovës dhe të bëjnë rezistencë ndaj shtrirjes së rendit dhe ligjit në këtë pjesë. Ashtu siç thamë edhe më herët një person, i dyshuar është duke u intervistuar, presim që pas gjetjeve të Policisë, IPK-së, të mirën vendimi meritorë nga Prokuroria e Republikës së Kosovës. Ka dyshime të bazuar që kjo zonë të jetë përdorur edhe në sulmin e Policisë së Kosovës….dhe po besohet kjo që është pjesë e të njëjtës ngjarje”, ka thënë ai për Tëvë 1.
