Zëdhënësi i Bashkimit Evropian, Peter Stano, ka thënë se Kosova e ka shkelur Marrëveshjen e vitit 2014 për vizitat zyrtare me Serbinë, kjo pas ndalimit të vizitës së patriarkut serb Porferije.
Ai tha se kjo është në kundërshtim me parimet themelore të çdo shoqërie demokratike e multietnike.
Tutje, ai tha se Bashkimi Evropian vazhdon dhe përsërit thirrjen e tij për zbatimin e plotë dhe të pakushtëzuar të të gjitha marrëveshjeve të dialogut, përfshirë atë për vizitat zyrtare.
“Vizita e Patriarkut Porferije në Kosovë është njoftuar, pra është njoftuar në përputhje me marrëveshjet përkatëse të dialogut dhe është dashur të lejohet, është dashur të lejohet të ndodhë. Me refuzimin e hyrjes së tij, Qeveria e Kosovës jo vetëm që ka shkelur marrëveshjet e vitit 2014 për vizita zyrtare, por ka injoruar në mënyrë flagrante rëndësinë që Kisha Ortodokse Serbe vazhdon të ketë për një pjesë të qytetarëve të Kosovës. Kjo është në kundërshtim me parimet themelore të çdo shoqërie demokratike multietnike dhe tolerante. Pra, përsëri Bashkimi Evropian vazhdon dhe përsërit thirrjen e tij për zbatimin e plotë dhe të pakushtëzuar të të gjitha marrëveshjeve të dialogut, përfshirë atë për vizitat zyrtare”, tha ai në një konferencë për media.
Quint: Ndalimi i hyrjes së Patriarkut Porfirije, në kundërshtim me dispozitat e Planit te Ahtisarit
