Eksperti i Politikave të Sigurisë dhe Gjeopolitikës, Ilir Kulla, tha se Shtetet e Bashkuara të Amerikës janë borxhliu më i madh i Kinës, mirëpo shtoi se nuk është në interesin e këtij të fundit që të ketë një ekonomi të dobët në SHBA, raporton teve1.info
Në emisionin “Matrix” në Tëvë1, Kulla ka treguar se çka do të ndodhte nëse do të zhvlerësohej dollari amerikan.
“SHBA-ja është borxhliu më i madh ndaj Kinës, dhe është në dollarë. Vlera e borxhit amerikan ndaj Kinës në dollarë është edhe fuqia e pushtetit kinez mbi pjesën tjetër të ekonomisë të botës. Por çfarë do të ndodhte shembull në qoftë se do të zhvlerësohej me 50 për qind dollari. Ekonomia kineze do të kolapsonte sepse ajo që ata mendojnë që do të vlente 100 triliardë, do të ishte 50 triliardë. Nuk është në interesin e Kinës që të kemi një ekonomi të dobët amerikane”, tha Kulla.
Madje ai shtoi se edhe në Evropë Kina nuk ka interes të bie fuqia ekonomike në masë të madhe.
Kulla tregoi politikën e Kinës karshi Evropës sa i përket zhvillimit ekonomik. Ai tha se derisa Kina e ka zhvilluar fuqinë e vet ekonomike, në Evropë ka përhapur politika të grupeve të ndryshme të interesit.
“Kështu është edhe për Evropën, i intereson të dobësohet por deri diku, jo të kundërta. Sot Macroni i kërkon kinezëve të sjellin një pjesë të prodhimit në evropë, në Francë në rastin konkret, por mos të harrojmë se deri para 10 vjetësh, deri para 20 vjetësh ishte Evropa që e filloi procesin e deindustrializimit të saj dhe filloi të qonte prodhimin e vet, produksionin në Kinë, në Indi që të mbante kostot e ulëta dhe këtu pastaj ne na lanë këto të drejtat e qenve, të drejtat e LGBT-ve, makinat elektrike në mënyrë që mos të ndotim etj. Dhe spostuam gjithë ekonominë në aksin aziatik të botës dhe tani kur ekonomia jonë, ekonomia e evropës është dobësuar për gjithë këto faktorë që folëm shkojnë i kërkojnë Kinës dhe Indisë dhe SHBA-të në rastin konkret por edhe Rusisë, sepse kemi nevojë për gazin, pra pjesës së paqësorit dhe Azisë që të rikthej dhe të rialokoj një pjesë të ekonomisë në evropë, tashmë ka ikur, sepse tash ka edhe nj problem. Sot Kina, përveç se ka një industri dhe një ekonomi shumë të zhvilluar dhe një ekonomi, ka edhe një kapacitet njerëzor të formimit industrial, pra të njerëzve që dinë ta bëjnë atë, evropa s’e ka më. Fuqi punëtore të kualifikuar. Ta thjeshtoj. Nëse ti shkon sot në Itali dhe kërkon një restorant italian në Romë, vetëm 5 për qind të restoranteve në italianë në Romë kanë një kuzhinier italian, të tjerët janë të gjithë emigrantë, ka shqiptarë, ka rumunë, ka bangladeshas, marokenë, ama nuk ka italianë”, tha Kulla.
