Gashi tha se në pjesën veriore të vendit, ka probleme me krim të organizuar dhe grupe të mëdha kriminale.
“Në zonën e veriut kemi problem me krimin e organizuar dhe me grupe të mëdha kriminale, hetimi i të cilave është kompetencë e drejtorisë qendrore. Policia e Kosovës e ka strukturën e cila na garanton që policia me pasë kontroll në këtë vend për shkak se ta kishim pasë kontrollin prej Policisë Rajonale të Mitrovicës, atëherë veriun kurrë nuk kishim mundur me e vendosë nën kontroll të sundimit të ligjit “, tha ai.
Sipas Gashit, luftimi i korrupsionit në veri të vendit nuk mund të bëhet vetëm prej policëve shqiptarë, sipas tij duhet me i përfshi edhe policët e komunitetit serb.
“Problemi kryesor është që njësitë e hetimeve qendrore nuk janë forcu në veri po flasim për anti-drogën, krimin e organizuar, për anti-terrorin, pra të gjitha njësitet elite. Anti droga ka suksese më të mëdhaja për shkak të disa individëve të cilët kanë punu me zell atje jo për shkak që kanë pasë ndonjë mbështetje të madhe për me e fuqizu njesinë në atë zonë, sepse një pjesë në kohë të madhe kanë pasë problem me gjetë edhe zyre. Pra çka duhet me qenë strategjia është që hetimet qendrore me u shtri në atë zonë sepse policia lokale merret me atë se kush ku po e parkon kerrin, a ka ndonjë vjedhje të veturës pra me incidente të vogla kriminale. Nëse mrrinë me u fuqizu hetimet pra në hetime me i përfshi policët serb të asaj zone është me rëndësi me e kuptu këtë element që nuk kemi me mujtë me hetu krimin e organizumë në veri me policë shqiptarë duhet me i përfshi ata të komunitetit, me gjetë njerëz të vullnetit të mirë në komunitetin lokal serb të cilët dojnë me e luftu krimin e organizuar dhe korrupsionin”, tha Gashi.
Tutje ai shtoi se duhet ndërtuar resurse si brenda Policisë ashtu edhe brenda Prokurorisë, që sipas tij me fillu me u thirrë në llogaridhënie.
“Anti-droga është njesi mikse gjysa janë shqiptarë gjysa janë serbë dhe e krynë punën e vet mire, bile ka edhe boshnjakë dhe ata mrrijnë me e luftu drogën në atë zonë tash duhet me marrë atë shembull dhe me vazhdu me kriju njesi të reja, nuk mundemi me luftu krimin në atë zonë me me njerëz që kemi me i pru prej Prizrenit sepse gjithmonë kriminaliteti luftohet prej heronjve lokalë në shumicën e vendeve të botës edhe ne duhet me i gjetë disa policë lokalë serbë, të cilët dojnë me e luftu krimin të cilëve ju ka ardhë në maje të hundës sepse fëmijët e tyre nuk munden me dalë lirisht pas orës 9 në rrugë edhe që nuk munden me qenë të ndikuar prej Beogradit. Duhet ndërtu resure brenda Policisë në këtë drejtim njejtë resurset duhet me u ndërtu në prokurori, unë mundem me thënë sinqerisht edhe në prokurori të Mitrovicës si adresë e parë duhet edhe ata me fillu me u thirrë në llogaridhënie pse Kryeprokurori i Mitrovicës nuk e dinë që ka bitcoin-a në Mitrovicë, pse ai nuk e din që ka kamera të sigurisë në Mitrovicë “, shtoi Gashi në Tëvë1.
