Nënkryetari i Partisë Demokratike të Kosovës, Enver Hoxhaj ka thënë se Kosova në katër vitet e fundit nuk ka pasur asnjë njohje të re.
E kjo sipas tij, tregon që përfundimisht e ka humbur momentumin ndërkombëtarë të saj.
“Javën e kaluar Xhamajka, Barbados, Trinidad dhe Tobago njohën pavarësinë e Palestinës. Këtë muaj Spanja, Irlanda dhe Sllovenia gjithashtu do ta njohin atë! Kjo tregon që, ajo, përkundër luftës në Gaza, e ka rikthyer momentumin e saj. Kosova pa asnjë njohje në katër vitet e fundin, përfundimisht e ka humbur momentumin ndërkombëtar të saj”, tha Hoxhaj në Facebook.
Derisa theksoi se “ky është çmimi që është duke paguar Kosova pa kurrfar politike të jashtme”./teve1.info./
