Ministrja e Drejtësisë, Albulena Haxhiu ka vizituar sot Agjencinë për Ndihmë Juridike Falas, shkruan teve1.info.
Haxhiu tha se gjatë këtij takimi u diskutua për shumë çështje që ndërlidhen me ofrimin e shërbimeve, efikasitetin dhe cilësinë e përfaqësimit.
Derisa theksoi se krahasuar me periudhën e njëjtë të vitit të kaluar, 46 për qind më shumë është ngritur numri i përfituesve për ndihmë juridike falas.
“Krahasuar me periudhën e njëjtë të vitit të kaluar, 46 % më shumë është ngritur numri i përfituesve për ndihmë juridike falas. Qasja në drejtësi është një e drejtë themelore për shoqërinë tonë prandaj edhe jemi angazhuar për ta mbështetur Agjencinë për Ndihmë Juridike Falas, për të siguruar kushte më të mira dhe shërbime cilësore për qytetarët. Sot, vizitova Agjencinë për Ndihmë Juridike Falas me ç’rast diskutuam për shumë çështje që ndërlidhen me ofrimin e shërbimeve, efikasitetin dhe cilësinë e përfaqësimit”, tha Haxhiu./teve1.info./
