Dy raste të dhunës në familje janë shënuar për 24 orë në Prishtinë.
Në njërin prej tyre, ankuesi burrë ka raportuar se ish-gruaja e ka kanosur përmes telefonit.
E policia tregon se rasti po hetohet më tej.
“Viktima mashkull kosovar, ka raportuar se ish bashkëshortja e tij e dyshuara femër kosovare, e cila jeton jashtë shtetit e ka kanosur përmes telefonit . Lidhur me rastin është njoftuar prokurori. Rasti nën hetime”, thuhet në raportin ditor të PK-së.
Ndërsa rasti tjetër ka të bëjë me një grua e cila ka raportuar se ka pasur dhunë psikike nga bashkëshorti.
“Ankuesja femër kosovare, ka raportuar se pas një mosmarrëveshje, ka pasur dhunë psikike nga bashkëshorti i saj i dyshuari mashkull kosovar. Lidhur me rastin është njoftuar prokurori, ndërsa rasti shkon në procedurë të rregullt”, njofton PK. /teve1.info/
