Dy persona të maskuar kanë thyer dritaren e objektit të një shkolle në Prishtinë, ku brenda saj kanë hedhur benzinë për t’ia vënë zjarrin.
Në raportin 24 orësh të Policisë, thuhet se të njëjtit pasi janë vërejtur nga personeli i shkollës, janë larguar në drejtim të panjohur.
Rasti vazhdon nën hetime, raporton teve1.info.
“Rr. Josip Rela, Prishtinë 03.05.2024 – 18:05. Raportohet se dy persona të panjohur, të maskuar, duke thyer dritaren e objektit të shkollës, kanë hedhur lëndë djegëse-benzinë dhe kanë tentuar t’ia vunë zjarrin, por pasi janë diktuar nga personeli i shkollës të dyshuarit janë larguar në drejtim të panjohur. Është njoftuar prokurori, rasti vazhdon të hetohet”, raporti i plotë i Policisë./teve1.info/.
