Deputeti i Lidhjes Demokratike të Kosovës, Armend Zemaj në fjalimin e tij të mbajtur në seancën e Kuvendit për gjetjen e raportit të DASh-it, thotë se Qeveria duhet të jetë e shqetësuar nga ky raport, ngase sipas tij, pushteti po mundohet me minimizua hajnin.
Zemaj përmes një replike ndaj ministrit të Financave, Hekuran Muratit tha se nuk është e ndershme dhe në favor të qytetarëve të vendit, që “ju shtyheni z. ministër se cili është hajni më i madh”.
“Ne mendojmë që Qeveria duhet të jetë e shqetësuar nga ky raport, nuk mendojmë e as nuk besoj se asnjë qeveritar dhe asnjë kryeministër mundohet të përdorë statistika për me arsyetua ose me minimizua hajnin. Çdo raport edhe ndërkombëtar edhe vendor duhet të trajtohej me seriozitet, nuk është garë dhe nuk është e moralshme e as e ndershme dhe nuk është në favor të Republikës së Kosovës nëse ju shtyheni z. ministër se cili është hajni më i madh”, tha Zemaj në fjalimin e tij./teve1.info/
