Policia e Kosovës ka dhënë sqarime shtesë rreth plagosjes së sotme të një personi në Dragash.
Zëdhënësi i Policisë së Kosovës për Rajonin e Prizrenit, Vesel Gashi. tha për teve1.info, se bëhet fjalë për një mosmarrëveshje mes dhëndrrit dhe ish-vjehrrit rreth procesit të divorcit në mes të vajzës së tij dhe të dyshuarit.
Bëhet e ditur se viktimës i është afruar ndihma mjekësore ne QKMF Dragash dhe i njëjti është dërguar në Spitalin Rajonal në Prizren për tretman mjekësor.
Derisa i dyshuari O.M është arrestuar dhe të njëjtit i është konfiskuar edhe arma të cilën e ka përdorur në këtë rast.
“Njësiti i hetimeve të sektorit rajonal DRP Prizren me datën 26.04.2024 ka arritur që të lokalizoj dhe arrestoj të dyshuarit O. M (viti i lindjes 1993, mashkull kosovar shqiptar), hetuesit kane arrit qe te gjejnë dhe sekuestrojnë armen me te cilën dyshohet se është përdor në ketë rast. Arrestimi i tije është bërë me dyshimin se te njëjtit kane ka gjuajtur me arme zjarri dhe ka plagosur viktimën K Q (Ish vjehrrin e tij) nga Dragashi pas një mosmarrëveshje rreth procesit te divorcit ne mes te vajzës se tije dhe te dyshuarit. Rasti ka ndodhur jashtë objektit te gjykatës. Viktima i eshët afruar ndihma mjekësore ne QKMF Dragash dhe pas i njëjti dërgohet ne Spitalin rajonal ne Prizren për tretman mjekësor”,tha ai../teve1.info./
