Një aksident mes katër veturave ka ndodhur sot në magjistralen Prishtinë-Ferizaj, respektivisht në Veternik të Komunës së Prishtinës.
Zëdhënësi i Policisë për Rajonin e Prishtinës, Agron Borovci tha për teve1.info se si pasojë e aksidentit dy persona kanë kërkuar ndihmë mjekësore.
“Nga informatat e para bëhet e ditur se në aksident janë përfshirë katër vetura, ndërkaq dy persona kanë kërkuar ndihmën mjekësore. Policia ka dalë në vendin e ngjarjes, po ndërmerr masat e nevojshme për lehtësimin e qarkullimit rrugor si dhe ka nisur punën për hetimin e shkaqeve që kanë sjellë deri te aksidenti”, tha tutje ai./teve1.info./
