Ai tha se rritja e pagës minimale është një indikator në ekonominë e vendit.
“Paga minimle është një lloj akordimi midis partnerëve në atë marrëveshjen sociale në mes sindikatës, Qeverisë dhe punëdhënësve, por është edhe një lloj indikatori, një lloj llogaritori në ekonomi, sepse në qoftë se ne pagën minimale e rrisim e bëjmë 400 euro qysh po kërkonë dikush atëherë shkaktohen disa shpenzimë në buxhet që lidhen me pagën mesatare. Është edhe problemi tjetër më i rëndë sepse atëherë këta punëdhënësit privat do të ikin që t’i regjistrojnë punëtorët, dmth informaliteti në punësim do të rritet sepse nuk do të jenë në gjendje me i pagu dikush ka me punu kur është në vështirë edhe me 250 euro, por e paguan pa letra hiq dmth pa kontrata edhe e dëmton buxhetin”, tha Mustafa.
Sipas tij, bazuar në situatën e përgjithshme në vend, kjo rritje minimale e pagës është adekuate, pasi ai konsideron se rritja e pagës minimale në masë më të madhe do ta rriste informalitetin.
“Unë mendoj që kjo dikun ndoshta ka mujtë me qenë pak diçka ndoshta më e lartë por në përgjithësi për situatën që e kemi ne ndoshta është një vendim adekuat për paga, për shkak se rritja e pagës minimale në një masë më të madhe do të rriste informalitetin në ekonomi dhe në punësim, pra punëtorët nuk do të kishin kontrata dhe me punu “në të zezën”. Kjo varet prej tregut të punës prej ofertës dhe kërkesës në qoftë se punëdhënësit nuk e aprovojnë pagën prej 400 eurove edhe gjejnë njerëz që punojnë “në të zezën” me 200 euro atëherë nuk do ta pranojnë këtë dhe do të rritet informaliteti”, shtoi ai. /teve1.info./
