Kryetari i Prishtinës, Përparim Rama ka thënë se ndërtimi i tunelit “Agim Ramadani” tanimë është në fazën e prokurimit.
Sipas të parit të kryeqytetit, ky tunel do të shkarkojë komunikacionin në qendër të Kryeqytetit dhe do të ndërlidh Prishtinën e Vjetër me sheshet Ibrahim Rugova, Skenderbeu, Zahir Pajaziti, Xhorxh Bush e deri te Katedralja.
E në këtë mënyrë Rama theksoi se po krijohen më shumë hapësira për këmbësorë e gjelbrim, ajër më të pastër e jetë më të shëndetshme për qytetarët.
“Ndërtimi i tunelit “Agim Ramadani” tanimë është në fazën e prokurimit. Ky tunel transformues do të shkarkojë komunikacionin në qendër të Kryeqytetit dhe do të ndërlidh Prishtinën e Vjetër me sheshet Ibrahim Rugova, Skenderbeu, Zahir Pajaziti, Xhorxh Bush e deri te Katedralja. Në këtë mënyrë po krijojmë më shumë hapsira për këmbësorë e gjelbrim, ajër më të pastër e jetë më të shëndetshme për qytetarët”, tha Rama./teve1.info./
