Policia e Kosovës ka njoftuar se është gjetur 12-vjeçarja e cila ishte raportuar e zhdukur nga babai i saj në Pejë.
Lajmin për teve1.info, e ka konfirmuar zëdhënësi i policisë për rajonin e Pejës, Driton Rugova, i cili tha se vajza është gjetur pa lëndime dhe është dërguar në shtëpinë e saj.
Ndryshe, në raportin 24-orësh të së martës të Policisë së Kosovës thuhej se se vajza e cila ishte nisur për në shkollë nuk ishte kthyer më.
“Rr. Nëna Terezë, Pejë 22.04.2024 – 07:45. Ankuesi mashkull kosovar, ka njoftuar policinë se vajza e tij 12 vjeçare ka dalë nga shtëpia për të shkuar në shkollë dhe nuk është kthyer. Rasti në hetime”, thuhej në njoftim.
