Analistja Arta Tahiri duke folur për procesin e votimit në komunat veriore të Kosovës, ka thënë se ky referendum është dështim dhe asgjë më shumë.
Tahiri ka theksuar se Kosova në këtë rast nuk është se fiton ndonjë pikë në faktorin ndërkombëtar, duke qenë se referendumi nuk është kërkuar nga ta.
“Ky referendum është dështim dhe asgjë më shumë. Ky referendum nuk tregon asgjë më shumë që Kosova mori pikë në arenën ndërkombëtare sepse nuk ka bërë asgjë që i është kërkuar. Që nënkupton se Kosova do të merrte pikë në faktorin ndërkombëtar në qoftë se do t’i bindej asaj që i është kërkuar shkarkimi i këtyre kryetarëve, dalja dhe zgjedhje dhe pastaj pas daljes në zgjedhje në qoftë se vërtet Lista Serbë do ta sabotonte procesin zgjedhor atëherë mund të dalim në deklarata se iu dha mundësia po nuk e kërkuan.”, u shpreh ajo në emisionin “ Këndi i Debatit” në TËVË 1.
Ndryshe në katër komunat e banuara me shumicë serbe në pjesën veriore të Kosovës, Mitrovicë e Veriut, Zveçan, Zubin Potok dhe Leposaviq, më 21 prill u votua për largimin e katër kryetarëve shqiptarë. Interesimi i qytetarëve për të votuar ishte minimal pasi pak ditë para votimit, Lista Serbe, ftoi për bojkot. /teve1.info/
