Profesori, Nexhmedin Spahiu ka thënë se sot Kosova ka dalë fituese përballë Bashkësisë Ndërkombëtare, shkruan teve1.info.
Kjo pasi sipas Spahiut, që qytetarët serbë në veri të vendit kanë mbledhur nënshkrime për mbajtjen e peticionit për largimin e kryetarëve atje dhe sot nuk kanë shfrytëzuar të drejtën e votës.
Për këtë profesori tha se tregon joseriozitet të presidentit serb, Aleksandar Vuçiq në veprimet e veta, karshi kryeministrit Albin Kurti i cili sipas tij, u tregua serioz.
“Fakti që këta po mbledhin nënshkrime dhe në anën tjetër s’po dalin kjo ka tregu para aleatëve tanë, para Bashkësisë Ndërkombëtare se Aleksandar Vuçiq është joserioz në veprimet e veta edhe që kryeministri i Kosovës është serioz, do me thënë këta e kanë poentu. Referendum i sotëm, absolutisht ne jemi fitues sepse kemi dëshmu që ne respektojmë ligjin tonë, e respektojmë Kushtetutën tonë, respektojmë vullnetin”, tha Spahiu në Tëvë1./teve1.info./
