Janë bërë afër 12 orë që kur janë hap qendrat e votimit në Mitrovicën e Veriut.
Nga lagja e Boshnjakëve, në ish-objektin komunal ka folur menaxheri i kësaj qendre, Hashim Bekteshi i cili ka bërë me dije se vetëm një qytetar e ka shfrytëzuar të drejtën e tij për të votuar.
Bekteshi ka thënë se kjo është një shifër shumë e vogël.
“Interesimi këtë radhë ka qenë shumë i vogël, në qendrën tonë janë 6 vendvotime dhe janë më shumë se 2500 votues në të gjitha vendvotimet, deri tash interesimi është vetëm 1 votues dhe asnjë tjetër” është shprehur ai për TËVË 1.
Ndërsa në gjithë Mitrovicën e Veriut deri më tani kanë votuar vetëm 64 qytetarë nga mbi 18 mijë të cilët kanë të drejtë vote.