Lajmin për teve1.info e ka konfirmuar zëdhënësi i Policisë së Kosovës, Daut Hoxha, i cili bëri të ditur se dyshohet që një veturë duke lëvizur në drejtim të Prishtinës ka humbur drejtimin dhe ka dalur në shiritin tjetër të rrugës.
“Rreth orës 19:00, në rrugën nacionale në Korreticë të lartë afër Kronit të mbretit, është shkaktuar aksident trafiku me lëndime dhe dëme materiale, ku dyshohet se vetura BMË duke lëvizur në drejtim të Prishtinës e humb drejtimin dhe kalon barrierat në mes të rrugës dhe del në shiritin e rrugës në drejtim të Pejës ku godet veturën Smart në drejtim të lëvizjes Prishtinë – Pejë”, tha Hoxha.
Po ashtu, ai tha se pasi kishte shkuar në vendngjarje, vetura e autoambulancës ishte goditur nga një veturë tjetër e tipit “Polo”, e cila i ka shkaktuar dëme materiale.
“Raportohet se deri në këtë fazë janë lënduar dy persona, zjarrfikësit dhe autoambulanca kanë dal në vendin e ngjarjes. Gjithashtu disa dëme materiale raportohet të jenë shkaktuar nga një automjet tjetër i tipit Polo, i cili në atë lokacion ka goditur autoambulancën nga mbrapa”, shtoi ai./teve1.info/.
