Aktivistja, Rita Berisha duke komentuar vrasjet e grave në Kosovë tha se është pasojë e mantalitetit të brumosur thellë e cila sipas saj, është problematike për ta çrrënjosur.
Madje ajo tha se aktivistet për të drejtat e grave janë bërë si “kasetë e prisht” duke treguar në vazhdimësi se ku jemi tu lëngu si shoqëri.
“Është çështje mentaliteti i brumosur qaq thelë saqë bëhet shumë e zorrshme mandej me e çrënjosë. Po mendoj mënyrën se çysh Qeveria edhe shteti po ballafaqohet me raste të femicidit, është që në vazhdimësi kemi emisione të tilla sidomos kur ndodhin vrasjet e grave në vazhdimësi thojmë që jemi të trishtuar, mirëpo mungojnë hapa konkretë të cilët binë deri te parandalimi. Edhe ne aktivistet, më falni po më duhet me e cek edhe këtë, sot kam menduar as a ia vlenë me ardhë. Jemi bë si kasetë e prisht t’u kallxu ku jemi tu lëngu si shoqëri, që po na ndodhin rastet e vrasjeve çdo ditë dhe sa herë që ndodhin krejt jemi të trishtuar, krejt jemi të befasumë”, tha Berisha në emisionin “Këndi i Debatit”.
Ndryshe, vrasja e Gjyljetës nga burri i saj, ka çuar në 57 numrin e grave të vrara në vetëm 14 vjetet e fundit në Kosovë./teve1.info./
