Me këto thirrje e filluan marshin e protestës për vrasjen e 21 vjeçares, Erona Cokli.
E nga sheshi “Zahir Pajaziti” ne Prishtine burra dhe gra nën drejtim të Kolektivit për Mendim dhe Veprim Feminist, marshin e vazhduan në drejtim të Ministrisë së Drejtësisë.
Para këtij institucioni ishte një numër i madh edhe i zyrtarëve të Policisë së Kosovës.
Mirëpo shkrime për sigurinë e grave pati edhe në tokë.
Sipas tyre, shteti tregohet i paaftë dhe neglizhues për të mbrojtur jetën dhe të drejtën e grave në Kosovë.
E kjo nuk ishte ndalesa e fundit.
Siguri për to kërkuan edhe para stacionit të Policisë së Kosovës.
Nga këtu, me thirrje vazhduan në drejtim të Qeverisë së Kosovës.
Edhe para ekzekutivit, organizatorët e protestës thanë se ky marsh është revoltë për luftën që e përjetojnë çdo ditë vajzat dhe gratë.
Protestë pas vrasjes së Erona Coklit pati edhe në Ferizaj, ku në rreshtin e parë të protestueseve u pa vëllau i së ndjerës.
Erona Cokli u vra të premten brenda Qendrës për Punë Sociale në komunën e Ferizajt nga ish bashkëshorti i saj, Valon Aliu 36-vjeçar.
E përveç saj, Aliu e plagosi edhe vëllaun e saj të mitur, 15 vjeçar.