Misioni i Organizatës për Siguri dhe Bashkëpunim në Evropë – OSBE shpreh trishtim dhe pikëllim për vrasjen e gruas 21-vjeçares nga ish-bashkëshorti dhe plagosjen e 15-vjeçarit në Ferizaj.
OSBE thonë se ky krim duket se ka ndodhur për arsye gjinore.
“Kërkojmë nga Policia e Kosovës që ta arrestojë të dyshuarin në atë që duket të jetë femicid”, shkruan në faqen e misionit në platformën “X”.
“Do të vijojmë të punojmë pamëshirshëm me partnerët tanë për ta luftuar dhunën me bazë gjinore dhe dhunën në familje”, thuhet tutje.
Ndryshe, një grua është vrarë dhe një burrë është plagosur në Ferizaj, të premten në mesditë.
Vjosa Baftiu zëdhënëse e Prokurorisë Themelore në Ferizaj, ka thënë për tëvë 1 se dyshimet e para janë që ish-burri e ka vrarë gruan, ndërsa i dyshuari është dërguar në mbajtje.
E Kanun Veseli, zëdhënës i Policisë së Kosovës për rajonin e Ferizajt tha se vrasja ka ndodhur te Qendra për Punë Sociale.
