Kryesia e Bashkësisë Islame të Kosovës njofton se Namazi i Fitër Bajramit falet të mërkurën, më 10 prill 2024, në orën 06:41.
Ndërsa manifestimi qendror për këtë festë mbahet në Xhaminë e Madhe në Prishtinë, i cili fillon në orën 5:21, me faljen e namazit të sabahut.
Me këtë rast, myftiu i Kosovës, Naim Tërnava, do t’i drejtohet opinionit të gjerë me mesazhin e kësaj feste.
“Me rastin e festës së Fitër – Bajramit, ditën e parë, më 10 prill 2024, Kryesia e BIK-ut, si tradicionalisht organizon pritje përurimi në selinë e Kryesisë nga ora 9:00-12:00. Kryesia e Bashkësisë Islame të Kosovës ua uron festën e Fitër – Bajramit të gjithë besimtarëve dhe opinionit të gjerë, duke e lutur Zotin që t’i ketë pranuar agjërimin, lutjet dhe ibadetet tona”, thuhet mes tjerash në një postim në Facebook. /teve1.info/
