Nëntë persona kanë pësuar lëndime trupore si pasojë e një aksidenti që ka ndodhur në Klinë.
Të lënduarit janë duke marrë trajtim në Spitalin Rajonal të Pejës.
Lajmin për teve1.info e ka konfirmuar zëdhënësi i Policisë së Kosovës për rajonin e Pejës, Driton Rugova, i cili tha se në aksident kanë qenë të përfshira dy vetura.
Rugova njoftoi se tashmë me rastin është duke u marrë njësia e trafikut rajonal.
“Rreth orës 00:00 ka ndodhur një aksident në Klinë në mes dy veturave. Si pasojë e aksidentit 9 persona kanë pësuar lëndime trupore. Të njëjtit janë dërguar në Spitalin Rajonal për tretman mjekësor. Ndërsa, për rastin është duke u marrë njësia e trafikut rajonal”, tha ai./teve1.info/
