Qytetarët tashmë kanë në duar pyetjet për Regjistrim të Popullsisë.
Fatmir Sylejmani nga Prishtina është njëri nga njerëzit e parë të cilët po e kryen këtë obligim për regjistrim të tij dhe familjes.
Ai thotë se pyetësori ishte mirë por me pak ngarkesa.
“Po deri tash mirë, paska boll ngarkesa, kogja gjon koka, po mirë nuk na pengon kurgjo”, tha ai.
E përveç kësaj familje, edhe lagjja po njoftohen duke i vendosur këto broshura në dyert e shtëpive.
Ushtruesi i detyrës së kryeshefit të Agjencisë së Statistikave të Kosovës, Avni Kastrati ka treguar për sfidat që do të përballen qytetarët që nuk regjistrohen.
“Nëse një person nuk regjistrohet gjatë këtij procesi, gjatë kësaj periudhe, ata do të kenë sfida në të ardhmen për me qenë pjesë e institucioneve sepse nëse nuk je në regjistra llogaritet që nuk ekziston”, tha Kastrati.
Kastrati thotë se gjobat për mos-regjistrim janë nga 30 deri në 2 mijë euro.
Procesi i regjistrimit të Popullsisë ka filluar nga e premtja e 5 prillit dhe do të vazhdojë deri më 17 maj.
